Verbale 8 lujo 2016

Asenblea del Popoło Veneto http://www.statoveneto.net/assemblea/

 Verbałe 8 lujo 2016

Ordine del Jorno

  • Apeło e verifega dei prexenti, amision novi membri, decadensa asenteisti.
  • Aprovasion de l’o.d.g.
  • Relasion del Cao del Governo (Palmerini).
  • Proposta de obligo pa i membri de l’asemblea e i funsionari de ogni amministrassion de far na dichiarasion de fedeltà e giuramento alla nassion veneta (Palmerini)
  • Proposta de lexe eletorale (Lunardon)
  • Varie e eventuałi.

El Presidente verxe l’Asenblea a Conselve  ałe ore 21.30.

1Prexenti: (7) Antonello, Callegari, Busato, Giacon, Lunardon, Palmerini, Tasinato.

Tasinato ritorna menbro ativo.

Asenti justificà: Salice, Ioverno. Asenti injustificà: Nisun.

Sospexi: Garbin, Lando, Lera, Rebellato.

2– L’Asenblea vota par l’aprovasion del o.d.j.

Vien xontà el seguente punto:

L’Asenblea vota. Pro: 7 Contro: 0 No sinceri: 0. Aprovà.

3- El Cao del Governo relasiona sola situasion dela causa internasionale e dela situasion politica.
L’Asenblea ciapa ato e bate le man.

4– Palmerini propone de istituir l’obligo pa i membri de l’asemblea e i funsionari de ogni amministrassion de far na dichiarasion de fedeltà e giuramento alla nassion veneta.
Palmerini propone de costituir na Comision pal Giuramento.

L’Asenblea vota. Pro:7 Contro: 0 No sinceri: 0. Aprovà.

Se propone come menbri dela Comision: Palmerini, Antoneo, Tasinato e el çitadin Massimo De Zuani.
L’Asenblea vota. Pro:7 Contro: 0 No sinceri: 0. Aprovà.
5– Lunardon propone la seguente lexe:

“L’Asenblea del Popolo Veneto xe eleta a sufrajo universale e direto, seguendo el metodo del’elesion in xonta.

Pole candidarse a parlamentare del’Asenblea e votare tuti i çitadini che ga fato i disdoto (18) ani de età.

Ogni eletore ga dirito a 5 preferense. El voto ga valore minimo de 365 giorni e pole esar modificà in cualuncue momento. El primo de marso de ogni ano le preferense de ogni parlamentare vien ricontejade e la conformasion del’Asenblea vegnarà canbià in baxe ai novi ecuilibri.

Vien istituie le seguenti circoscrision: 1-Belum 2-Berghem 3-Bresa 4-Padova 5-Trevixo 6-Udin 7-Venesia 8-Vicensa 9-Estero. La circoscrision Estero ga dirito a 20 seji.

La  ripartision dei seji fra le circoscrision (fato salvo el numaro de seji  asegnài ala circoscrision Estero) se calcola dividendo el numaro dei abitanti del Stato, che rixulta dal’ultimo censimento xenerale dela popolasion, e  distribuendo i seji in proporsion ala popolasion de ogni circoscrision, sola baxe dei cuosienti intieri e dei resti pi alti.”

Palmerini propone la costitusion de na Comision par la Lexe Eletorale.

L’Asenblea vota. Pro: 7 Contro: 0 No sinceri: 0. Aprovà.

Se propone come menbri dela Comision: Palmerini, Antoneo, Giacon, Lunardon.
L’Asenblea vota. Pro:7 Contro: 0 No sinceri: 0. Aprovà.

6–  No ghe xe varie e eventuali.

El Presidente sara l’Asenblea ałe ore 23.20.

El verbałe sarà disponibiłe pała votasion da parte dei menbri asenti justificài par 72 ore (3 dì).

Presidente del’Asenblea

Andrea Lunardon

Par ulteriori informasion o comunicasion: cao.asenblea@statoveneto.net – Tel: 3497121656