Sfoglia l&archivio per maggio, 2013.

Verbałe 16 apriłe 2013

Verbałe / Report

Asenblea del Popoło Veneto – Stato dełe Venetie

Verbałe Asenblea del 16 apriłe 2013

———————————————————————————————————–

El Prexidente verxe l’Asenblea a łe ore 23:25.

 

Ordine del Jorno

 

-Apeło e verifega dei prexenti, amision novi menbri, decadensa asenteisti secondo łexe

Prexenti:Busato, Garbin, Lera, Lunardon, Palmerini.

Asenti justificài: Tosato

Asenti injustificài:Callegari, Marchioro, Lando

El presidente accoglie el novo menbro Giacon Luigi, l’Asenblea bate e man.

 

-Rełasion del Cao del Governo so’ ła situasion de uxurpasion de l’identità de l’Autogoverno da parte de sojeti esterni, vałutasion de łe asion intraprexe e da intraprendare.

El “governo Quaglia/Gardin” se dichiara “governo del popoło veneto” e uxurpa diretamente łe istitusion. El Cao del Governo ghe ga tełefonà a Gardin che no ga confermà né negà de esare el governo nominà da l’ Asenblea del Popoło Veneto. Tutavia so’l sito www.life.it se atribuise a Quaglia ła prexidensa de l’Asenblea che ga vot Gardin.

L’avv. Selmo xe sta notificà pa PEC che l’uxo del sito www.statoveneto.com co’l sinboło de łe istitusion xe na contrafasion de l’orijinałe, ma el uxo iłejitimo continua.

L’Asenblea aprova e conferma el mandato. Voti : Favorevoli: 4 Astenuti: 1

 

-Vałutasion dei confini del Lonbardo-Veneto in baxe a łe novità rełative a ła situasion del Monferrato.

El Cao del Governo rełasiona a l’Asenblea so ła posibiłità che el Monferrato sie parte del Lonbardo-Veneto.

L’Asenblea ghe da incarico al menbro Giacon de recuperare ła cartografia del Lonbardo-Veneto prima del pasajo a l’Italia (1858 o 1859).

L’Asenblea aprova e conferma el mandato. Voti : Favorevołi: 5

 

-Varie e eventuałi

1-Ajornamento situasion so’ ła pratica de l’interpeło fiscałe.

Un contribuente ga riçevù ła prima risposta a l’interpeło e el ga decixo de continuare ła pratica.

 

2- Festa de San Marco 25 aprile 2013

In ocaxion de ła festa de San Marco l’Asenblea ghe sujerise a tuti i çitadini de festejare in piasa San Marco a Venesia co i cołori de ła bandiera e ghe augura bona festa.

 

L’Asenblea aprova. Voti : Favorevołi: 5

 

El Prexidente sara l’Asenblea a łe ore: 00:40.

 

El Prexidente

Andrea Lunardon

cao.asenblea@statoveneto.net

Firme dei Menbri

convert this post to pdf.
Commenti disabilitati su Verbałe 16 apriłe 2013
  - - -   Search Engine Submission - AddMe

Bad Behavior has blocked 5 access attempts in the last 7 days.

Translate »