Sfoglia l&archivio per documento parola.

Lexe soła Carta de Identità

Lexe / Law

Lexe del 6 febraro 2013mv, soła Carta de Identità

 http://www.statoveneto.net/assemblea/?p=340

El prexente testo unico conprende e sostituise tute łe normative precedenti soła Carta de Identità aprovàe dal’Asenblea i dì: (2013) 17 xenaro m.v. -2014-, 21 e 4 novenbre, 8 otobre, 19 setenbre, 2 setenbre, 29 agosto – (2011) 30 marso.


CARATERISTICHE DEŁA CARTA DE IDENTITÀ DEL ÇITADIN VENETO

Denominasion: Carta de Identità Veneta / ID

Suporto: Tesera sensa microchip, co banda magnetica, co codexe QR. colore bianco.

Lengua:veneta. Par dubi soła grafia locałe e /o normałixà contatare l’Istituto pała Lengua Veneta (ILV).

Funsion: ła Carta cuerxe tute łe funsion de carta de identità, codexe fiscałe, tesera sanitaria, patenti de guida del’aministrasion precedente. Xe ativa na rete de convension e sconti asocià ała Carta de Identità.

Scadensa: ła scadensa de ła Carta xe a 5 ani da l’emision, o ała variasion de dati fondamentałi (rexidensa, dati patente).

Recuixiti: xe necesaria l’iscrision al’Anagrafe del Popoło Veneto. Ła Carta de Identità pai minori de 14 ani ga da esare richiesta dal titołare deła potestà xenitoriałe, e pai minori de 18 ani ga da esare çerta ła so iscrision al’Anagrafe.

 

—————————-ELEMENTI SOL FRONTE—————————-

-In alto a sinistra, logo istitusionałe del leon in mołeca.

-In alto al centro, intestasion “STATO DEŁE VENETIE” + “FEDERASION DEL LONBARDO-VENETO”

-In alto a destra, codexe QR. El QR verxe l’indiriso internet conposto da http://www.statoveneto.net/CODEXE_FISCAŁ ndove CODEXE_FISCAŁ ga da esare cueło del titołare, scrito in ciaro so ła stesa carta. Łe pajine http://www.statoveneto.net/CODEXE_FISCAŁ no ga da esare verte al publico, ma ga da esare acesibiłi co na password che conose el titołare de ła carta e i funsionari autorixài. I acesi e i canbiaminti fati ała pajina vien senpre rejistrài e xe vixibiłi dal titołare su richiesta ale istitusion de anagrafe.

-In baso a destra, ła foto del çitadin/a de dimension masime 3×2,5cm, posibilmente de ła stesa łarghesa del codexe QR.

CARTA DE IDENTITÀ (NUMARO/ID) XXXXXX00X00X000X (codexe de 16 carateri alfanumeriçi de identificasion fiscałe mutuà dal’aministrasion precedente)

COGNOME/I (vien doparà ła grafia locałe se el titołare no ga particołari exijense)

NOME/I (vien doparà ła grafia locałe se el titołare no ga particołari exijense)

MENDA/SORANOME (vien doparà ła grafia locałe se el titołare no ga particołari exijense)

NASIONAŁITÀ VENETA / LONBARDA / MANTOVANA / ITALIANA / SLOVENA / STRIACA / TODESCA / … (come da dichiarasion a l’Anagrafe del Popolo Veneto)

NATA/O EL DD/MM/AA (date in formato internasionałe)

NATA/O A COMUN, PROVINCIA / REJON / STATO INTERNO, STATO INTERNASIONAŁE. (In caxo de mancansa de spasio i elementi vien ridoti a partire da destra verso sinistra doparando łe sigle internasionałi riconosùe)

ALTESA 000 (tre çifre, in çentimetri)

OCI    MORI / MARON / VERDI / CEŁESTI / VIOŁA / GRIXI (cołore dei oci)

N°PIE   00  (do çifre, mixura europea del pie)

SESO  M / F  (mascio o femena)

G.S.   A+ / A- / AB+ / AB- / B+ / B- /  0+ / 0- (grupo sanguigno)

(INDIRISO DE) REXIDENSA BORGO / CAŁE / CANPIEŁO / CANPO / CONTRÀ / CORSO / PIASA / VIA / VIAŁE, CIVICO/INTERNO + FRASION + COMUN + PROVINCIA + (REJON / STATO INTERNO) + STATO INTERNASIONAŁE (In caxo de mancansa de spasio i elementi vien ridoti a partire da destra verso sinistra doparando łe sigle internasionałi riconosùe. Vien doparà ła grafia locałe se el titołare no ga particołari exijense.)

PATENTE CAT(EGORIA) AM / A1 / A2 / A / B1 / B / BE / C1 / C1E / C / CE / D1 / D1E / D / DE / KA / KB / CQC P / CQC M / ADR / I (anca conbinàe)

PRESCRISION (limitasion ala guida se prexenti) “GUIDA XX(.XX)” (codexe internasionałe de cuatro çifre de limitasion ała guida

 

—————————-ELEMENTI SOL RETRO—————————-

-in alto a sinistra, EMERGENCY 00 00 0000000000 (PREFISO INTERNASIONAŁE “00” + PREFISO NASIONAŁE es. Italia: “39” + NUMARO PERSONALE (es. 3460000000) (numaro pałe emerjense).

-sora ła banda magnetica, de sfondo, riprodusion del Lonbardo-Veneto cołe Venetie evidensiae in celeste.

-sora ła banda magnetica, a destra, SCADENSA DD/MM/AAA (a çincue ani da l’emision)

-sora ła banda magnetica, a sinistra, FIRMA (spasio pała firma del çitadin)

-soto ła banda magnetica, in mexo,  cauxa de responsabiłità “PAI UXI PREVISTI DAŁA LEXE”

banda magnetica: La banda magnetica vien programà el più posibiłe conpatibiłe co cuełe in circołasion internasionalmente, ma co specificà STATO DE LE VENETIE come ente de emision se aplicabiłe. In caso de necesità el Governo pol far detajo de łe specifiche tecniche.

Canpo 1: XXXXXX00X00X000X (codexe ID de 16 carateri alfanumeriçi deła Carta de Identità del çitadin/a)

Canpo 2: 0000000000000000000000000000000 (codifica ABA corispondente al codexe ID)

Canpo 3: STATO DELE VENETIE 

 

NORME PAI CONCESIONARI DE EMISION E DISTRIBUSION

Autorixasion Inisiałe

Ogni axienda rejistrà al Tribunałe che vołe cargarse del servisio de emision de Carte de Identità, ga da dimandarghe l’autorixasion al Tribunałe. Połe emetare carte de identità anca łe asociasion, i partiti, i comitati e łe singołe persone senpre che i se gabìa rejistrà al Tribunałe co łe stese modałità.

El Concesionario se incarica de iscrivare i çitadini richiedenti a l’Anagrafe del Popoło Veneto, deła racolta dei dati necesari ała produsion dełe Carte de Identità, de l’emision e deła consegna dełe stese, nonché de incasare par conto del Ministero del Texoro el contributo de emision e versàrghelo al Stato.

El Concesionario ajise come Funsionario dełe Istitusion Venete e el xe tegnùo a un conportamento consono ałe funsion proprie de ogni incarico istitusionałe.

Iscrision dei çitadini al’Anagrafe

L’iscrision al’Anagrafe xe un recuixito fondamentałe par otegnere ła Carta de Identità.

Se l’iscrison del çitadin/a avien de persona, el Concesionario xe tegnùo in particołare a prexentarghe al çitadin/a el moduło de iscrision ajornà al’Anagrafe del Popoło Veneto, che se połe scargare al’indiriso http://www.statoveneto.net/tribunale/moduli/ in lengua veneta e italiana, e jutarlo neła conpiłasion coreta del moduło e neła coreta scritura deła lengua.

Racolta dati pal documento e archiviasion foto

Ła Carta de Identità pai minori de 14 ani ga da esare richiesta dal titołare deła potestà xenitoriałe, e pai minori de 18 ani ga da esare çerta ła so iscrision al’Anagrafe.

Al momento deła richiesta deła Carta de Identità el funsionario no ga da dimandarghe i dati conpleti al richiedente se el steso dichiara de esare xà iscrito a l’Anagrafe, ma soło i dati indispensabiłi.

Ała ricesion de un ordine tełematico el Concesionario xe tegnùo a ocuparse deła rełasion col çitadin richiedente, contatarlo in caxo ghe fuse dati mancanti o inexati, ricordando che el ajise come Funsionario dełe Istitusion Venete e el xe tegnùo a un conportamento consono ałe funsion proprie de ogni incarico istitusionałe.

Traxmision dei dati al Tribunałe

El Concesionario xe tegnùo comunicarghe al Tribunałe i dati anagrafici otegnùi via posta ełetronica entro 3 dì łavorativi dal’iscrison e a trasmetare o consegnare i modułi cartacei originałi entro 15 dì łavorativi.

La penale pal ritardò nełe consegne xe de 2 dogadi (1 euro) par ogni dì de ritardo, da versare insieme al sucesivo versamento ordinario dei contributi. Superà i 60 dì de ritardo ła concesion de emision ała dita vien anułà.

Emision e Consegna

L’atività de emision svolta dal Concesionario no conporta spexe pałe Istitusion o rixarcimenti pal Concesionario.

El Concesionario xe tegnùo a inserire inte ła Carta tuti i canpi previsti in graseto dała tabeła “CARATERISTICHE DEŁA CARTA” dełprexente Lexe n°4, soła Carta de Identità (http://www.statoveneto.net/assemblea/?p=340) e doparare coretamente ła łengua veneta come normà dal’ILV.

El Concesionario xe tegnùo spedire o consegnare ła Carta al richiedente entro 7 dì lavorativi dała richiesta.

In caxo de mancansa de dati sol moduło de richiesta deła carta de identità, l’emitente de ła carta połe sospendare l’emision in atexa de verifica, ma se l’informasion mancante no inpedise l’identificasion coreta del titołare tramite ła carta stesa (par exenpio grupo sanguigno mancante) e el titołare deła carta xe d’acordo a riçevarla sensa i dati mancanti, l’emitente ga el obligo de produrla ma el xe esonerà dałe responsabiłità.

La penale pal ritardò nełe consegne xe de 2 dogadi (1 euro) par ogni dì de ritardo, che inisialmente ga da esarghe scontà al çitadin dal contributo pal’emision e pai dì seguenti calcołà a credito del Stato. Superà i 60 dì de ritardo ła concesion de emision ała dita vien anułà.

Incaso del Contributo de Emision

El pagamento del contributo de emision da parte del çitadin ga da esare incasà dal Concesionario.

Versamento dele Tase de Concesion.

Le axiende che emete carte ga da corispondarghe al Stato na Tasa de Concesion de 10 dogadi (5 euro) pa ogni carta emesa, da versare ogni 30 carte emese (versamenti de 300 dogadi).

I versamenti dei introiti va efetuai sol conto corente che fa capo al Cao del Governo o, su dełega, al Ministro dełe Finanse.

Ogni versamento ga da vegnerghe notificà ał Tribunałe dal concesionario via posta ełetronica.

El versamento va efetuà entro 15 dì łavorativi dała data de emision de ogni trentexima carta de identità. La penale pal ritardò nełe consegne xe de 2 dogadi (1 euro) par ogni dì de ritardo, da versare insieme al sucesivo versamento ordinario dei contributi. Superà i 60 dì de ritardo ła concesion de emision ała dita vien anułà.

 

RIEPILOGO SCADENSE E PENALI PAI CONCESIONARI 

entro 3 dì łavorativi dala ricesion del’iscrison del çitadin a l’Anagrafe, comunicarghe al Tribunałe via posta ełetronica i dati anagrafici otegnùi.  La penale pal ritardò nełe consegne xe de 2 D par ogni dì de ritardo, da versare sol conto del Ministero. 

entro 15 dì łavorativi e a trasmetare o consegnare i modułi cartacei originałi. La penale pal ritardò nełe consegne xe de 2 D par ogni dì de ritardo, da versare sol conto del Tribunałe.

entro 7 dì łavorativi dała ricesion de tuta ła documentasion necesaria a l’emision, consegnare o spedirghe ła Carta al richiedente. Farà fede el tinbro  postałe. La penale pal ritardò nełe consegne xe de 2 D par ogni dì de ritardo, che ga da esarghe scontà al çitadin.

Ogni 30 Carte de Identità emese, efetuare versamento de 300,00 D sol conto del Tribunałe. La penale pal ritardò nełe consegne xe de 2 D par ogni dì de ritardo, da versare sol conto del Tribunałe.

Superà i 60 dì de ritardo, ła concesion de emision ała dita vien anułà.

 

convert this post to pdf.
Commenti disabilitati su Lexe soła Carta de Identità

Verbałe 17 xenaro 2013 m.v. (2014)

Verbałe / Report

Verbałe 17 xenaro 2013 m.v.

 

Ordine del Jorno

1- Apeło e verifega dei prexenti, amision novi membri, decadensa asenteisti.

2- Aprovasion del’o.d.g.

3- Vałutasion del procedimento de sospension a carico del menbro Giacon.

4- Vałutasion dełe ultime serate de prexentasion, conferma de programa, całendario, ruołi e modałità de prexentasion.

5-  Riforma de ła prescrision penałe e civiłe. (Palmerini)

6-  Riserva ał popoło veneto del redito da signorajo primario e secondario. (Palmerini)

7-  Validità dełe lexi so tuto el Lonbardo-Veneto in asensa dełe asenblee insubre e mantovana.

8- Varie e eventuałi.

 

Lunardon verxe l’Asenblea ałe ore 21.20.

 

1- Prexenti: Brotto, Busato, Lando, Lunardon, Palmerini.

Asenti justificà: Nisun. Asenti injustificà: Rebellato, Lera. Tasinato. Sospexi: Giacon, Garbin.

 

2- Vien xontà al’O.d.g. i seguenti punti: 8-Carta de Identità (Brotto).

L’Asenblea vota: 5 a favore. Aprovà.

 

3- L’Asenblea discute par 20 minuti. Lunardon propone el rinvio.

L’Asenblea vota: 5 a favore. Aprovà.

 

4-L’Asenblea discute so le recenti serate de prexentasion. Rebellato vien confermà responsabiłe organixativo. L’Asenblea conferma ła convocasion deła prosima riunion par xoba prosimo, 23 xenaro 2013 mv.

L’Asenblea vota: 5 a favore. Aprovà.

 

5- El Cao del Governo rełasiona sol funsionamento deła prescrision nel sistema de vari stati. El Cao del Governo propone de cancełare a prescrision par tuti i procesi civiłi e penałi fata ecesion par i dani economici soto el vałore de 1000 euro e i reati penałi co pena masima de 1 ano.

L’Asenblea vota: 5 a favore. Aprovà.

 

6- El Cao del Governo rełasiona sol funsionamento del sistema del signorajo e propone che i diriti de signorajo de cui al Decreto 16 agosto 2006 vegna confermà come vałidi so tuto el Lonbardo-Veneto.

L’Asenblea vota: 5 a favore. Aprovà.

 

7- L’Asenblea ribadise che łe norme del Stato dełe Venetie se estende e xe vałide tenporaneamente so tuto el teritorio Lombardo-Veneto fin che no vegnarà istituìe łe asenblee insubre e mantovana.

L’Asenblea vota: 5 a favore. Aprovà.

 

8- L’Asenblea costata ła necesità de stabiłire dei termini pałe tenpistiche de emision dełe Carte de Identità. El menbro Palmerini propone che i concesionari de Carte de Identità gàe l’obligo de trasmétarghe entro 3 dì lavorativi al Tribunałe del Popolo Veneto el moduło conpiłà dal richiedente ła Carta e de spedire o consegnare ła Carta al richiedente entro 7 dì lavorativi dała richiesta. La penale pal ritardò nełe consegne xe de 1 euro par ogni dì de ritardo. Superà i 60 dì de ritardo ła concesion de emision a l’axienda vien anułà.

L’Asenblea vota: 5 a favore. Aprovà.

 

9-El Presidente prexenta el novo Rejistro Dijitae dele Istitusion consultabiłe in linea da tuti i çitadini e dimanda l’aprovasion.

L’Asenblea vota: 5 a favore. L’Asenblea aprova e bate łe man.

 

El Presidente Lunardon sara l’Asenblea ałe ore  23.30.

 

Presidente del’Asenblea

Andrea Lunardon

convert this post to pdf.
Commenti disabilitati su Verbałe 17 xenaro 2013 m.v. (2014)

Verbałe 21 novenbre 2013

Verbałe / Report

Asenblea del Popoło Veneto – Stato de łe Venesie

Verbale del 21 novenbre 2013

 

Busato verxe l’Asenblea e delega Palmerini a suplente pa la gestion de la riunion.
Ordine del giorno (O.d.G):
1-Verifega dei prexenti, amision e decadensa membri

Asenti: Lando e Lunardon, giustificà

2-Aprovasion de l’o.d.g. e aprovasion ponti xontà a l’ultimo

Odg aprovà.

3-Relazione del Cao del Governo federał sulla risposta da parte del Consiglio Europeo

L’Asenblea ciapa ato.

4- Norme penali, fiscali e patrimoniałi so ła mancata difusion dei comunicati dełe Istitusion da parte deła stampa e dei media

art. 1001 – l’asemblea stabilise che xe obligatoria la publicasion dei comunicati uficiali dełe Istitusion venete (Governo, Asenblea e Tribunal) da parte deła stampa e dei media anche radio e tv che publica o trasmete sol teritorio dele Venetie. La publicasion xe ritegnua non efetuà se vien mistificà o stravolto el contenuto e la forma dei comunicati.

art. 1002 – la violasion del art.1001 prevede na amenda de 10.000 euro pa la prima infrasion, e un radopio de la amenda precedente a ogni infrasion sucesiva. Quando el cumulo dełe amende supera el valor economico de l’impresa, el diretore responsabile vien condanà a 1 ano de carcere pa ogni comunicato censurà. Dała centesima violasion xe disposta la chiusura de l’atività. La multa xe automaticamente cominà, fata salva la dimostrasion sensa prescrision de inocensa.

art. 1003 – contro le sansion de l’art.1002 xe sempre posibile presentar ricorso pa acertar l’infondatesa de la pena. El proceso penal segue le norme previste.
L’asemblea vota: a favore 7, astenuti 1. L’asemblea dispone l’inserimento de la norma so la Lista dei Crimini.
5-Uxurpasion del titoło de presidente del Governo del Popolo Veneto da parte de Albert Gardin (Il mattino de Padova del 17/11)

l’asemblea prende atto che lo stesso danneggia l’immagine delle Istituzioni, e’nti approva la replica del Governo del Popolo Veneto. L’assemblea trasmette gli atti al Tribunale per i rilievi penali.

L’asemblea vota: a favore 8, astenuti 1.
6-Verifica deła Carta de identità e servisi asocià

L’asemblea delibera che in caso de mancanza de dati sol modulo de richiesta deła carta de identità, l’emittente de ła carta posa sospendere l’emision in atesa de verifica, ma se l’informasion mancante no inpedise l’identificasion coreta del titolare tramite la carta stesa (pa esempio grupo sanguigno mancante) e el titolare deła carta xe d’acordo de averla sensa i dati mancanti, l’emitente ga obligo de produrla ma ga relativo esonero de responsabilità.
L’asemblea vota: a favore 7, assenti 1

L’assemblea approva l’iniziativa de convension e sconti associà ala carta
L’asemblea vota: a favore 7, assenti 1
7-Relasion de Tasinato so l’atività de URC

L’Asenblea ciapa ato de la situasione e bate le man al delegà.
8-Revision del programa de asenblea publica e revision del całendario

L’asemblea delibera ła cancelasion deła data de asemblea del 6 dicembre
L’asemblea vota: a favore 7, assenti 1
9-Varie e eventuali ponti xontà a l’ultimo aprovai

Nisun.

 

El suplente restituise la prexidensa a Busato che sara l’Asenblea a łe 23.45.

 

El Presidente

Mario Busato

convert this post to pdf.
Commenti disabilitati su Verbałe 21 novenbre 2013

Verbałe 4 novenbre 2013

Verbałe / Report

Asenblea del Popoło Veneto – Stato de łe Venesie

Verbale Asenblea del 4 novenbre 2013

 

El Presidente verxe l’Asenblea ale ore 21.30.

 

Ordine del Jorno

1-Apeło e verifega dei prexenti, amision novi membri, decadensa asenteisti secondo lexe

Prexenti: Brotto, Busato, Giacon, Lera, Lunardon, Palmerini, Tasinato, Rebellato

Asenti justificài: Lando, Garbin

 

2- Aprovasion de l’o.d.g.

L’Asenblea vota. A favore: 8 Contrari: 0 Astenuti: 0

 

3- Prexentasion del ricorso standard da prexentarghe a łe autorità italiane da parte del Governo.

El Cao del Governo informa l’Asenblea del fato che el ricorso xe disponibile preso el Governo e el Tribunale ma che el ghe vegnarà consegnà ai citadini caxo par caxo in baxe a le posibilità de utilixo. El Cao del Governo sotolinea che par la delicatesa de sto strumento e pal fato che el stato italian no rispeta le lexi no xe el caxo de difondare sti strumenti come solusion de ricorso efetivo. Le stese considerasion vale par l’interpelo fiscale.

El menbro richiedente Busato xe sodisfato.

 

4- Notisie so le dimision del presidente del Tribunal e asion da intraprendere.

El Presidente del Tribunale comunica che el pol restare in carica e che el avertirà le Istitusion co un mexe de preavixo in caxo de inpedimento futuro.

L’Asenblea ciapa ato e se riserva de discutare le asion da intraprendare nel momento de necesità e invita i menbri a inpegnarse par sercare candidati a la carga.

L’Asenblea vota. A favore: 7 Contrari: 0 Astenuti: 1

 

5- Riconosimento grupo politico “Veneto Stato” proposto dal menbro Giacon.

El menbro Palmerini intervien e ricorda che durante la Republica Veneta i partiti no jera amesi e sostien che bisognarìa mantegnere sta tradision anca parché el sistema eletorale atuale no prevede elesion a termine co i partiti.

El menbro Giacon richiede el rinvio.

L’Asenblea vota. A favore: 7 Contrari: 0 Astenuti: 1

 

6 – Relasion del Cao del Governo so la fondasion de le istitusion lonbarde e mantovane.

El Cao del Governo relasiona so l’incarico dei Comisari de Mantova e Insubria che se ciama Giulio Comini e Mario Boscolo. Diti comisari xe drio svolgere le funsion de suplensa previste da la lexe pa costituire le rispetive Istitusion de raprexentansa. Al steso tenpo i Comisari fa parte del Governo del Lombardo-Veneto e li ga firmà un ato direto a la Union Europea.

L’Asenblea ciapa ato.

 

7 – Relasion so i raporti co la minoransa lenguistega furlana.

El menbro Lunardon comunica la prexa de contato co el movimento “Front Furlan” e l’inisio de raporti de dialogo.

L’Asenblea ciapa ato e bate e man.

 

8 – Aprovasion del calendario de le Asenblee proposto dal menbro Brotto.

L’Asenblea se riunise minimo ogni 30 giorni, se posibile xoba de la cuarta setimana de ogni mexe.

L’Asenblea se riunirà i giorni 21/11/13, 19/12, 23/1, 20/2/14.

L’Asenblea vota. A favore: 8 Contrari: 0 Astenuti: 0

L’Asenblea se prexenta al publico ne le seguenti date: 6/12/13, 10/1/14, 7/2/14. Responsabile de l’organixasion de le serate informative xe el menbro Rebellato.

L’Asenblea vota. A favore: 8 Contrari: 0 Astenuti: 0

Giacon chiede de discutare precixe modalità de organixasion de i eventi de prexentasion.

L’Asenblea vota. A favore: 1 Contrari: 7 Astenuti: 0

 

9 – Proposta de calendario de i incontri istitusionali federali avansà dal menbro Brotto.

El menbro Broto ritira la proposta per oportunità organixative.

 

10 – Lexe so la gestion dei dati anagrafici proposta dal menbro Palmerini.

El menbro Palmerini propone che al momento del rilascio de la Carta de Identità el funsionario o axienda che la consegna no gabia da dimandarghe i dati conpleti al richiedente se el steso dichiara de esare xà iscrito a l’Anagrafe, ma solo i dati indispensabili.

L’Asenblea vota. A favore: 8 Contrari: 0 Astenuti: 0

 

11 – Varie e eventuałi.

El Cao del Governo comunica che se xe drio dotare la Carta de Identità de servisi de scontistica par i sitadini.

L’Asenblea ciapa ato e bate e man.

El Presidente sara l’Asenblea a le ore 23:40.

El verbale sarà disponibile pa’l voto dei menbri justificai fin a le ore 23:40 de xoba 7 novenbre.

 

El Presidente de l’Asenblea

Andrea Lunardon

cao.asenblea@statoveneto.net

convert this post to pdf.
Commenti disabilitati su Verbałe 4 novenbre 2013

Verbałe 8 otobre 2013

Verbałe / Report

Asenblea del Popoło Veneto – Stato de łe Venesie

Verbałe Asenblea del 8 otobre 2013

 

El Presidente verxe l’Asenblea a łe ore 21.30.

 

Ordine del Jorno

1-Apeło e verifega dei prexenti, amision novi membri, decadensa asenteisti secondo lexe

Prexenti: Brotto, Busato, Giacon, Lera, Lunardon, Palmerini, Tasinato, Garbin

Asenti justificài: Lando

Decadùi: El menbro Tosato ga richiesto ła decadensa par motivi personałi e vien dichiarà uficialmente decadùo.

L’Asenblea aceta Rebellato come votante e bate łe man.

 

2 -Aprovasion de l’o.d.g.

El o.d.g. xe aprovà.

 

3 – Relasion so l’apertura de conto corente e distribusion de łe Carte de Identità

Nesuna nova so’l conto corente.

So ła carta de identità :

El mebro Lunardon propone che so’l fronte a destra da l’alto al baso ghe sia el codexe QR che contien l’indiriso URL xa specificà, soto el codexe QR ła foto del titołare masimo cm 2×2, posibilmente de ła stesa łarghesa del codexe QR. In pì che vegna meso el “n° de pie” e la “nasionałità”. Tute łe date vien scrite in formato internasionałe GG/MM/AAAA . La carta ga da esare rinovà se cambia dei dati sorascriti.

A favore: 8

Garbin e Palmerini propone che ła carta no gabià scadensa.

A favore: 3 Contrari:5 Astenuti:1

Lunardon propone ła scadensa de ła carta a 5 ani da l’emision.

A favore: 8 Contrari:1

El menbro Busato propone che so’l retro in baso a destra sora ła banda vegna indicà ła data de scadensa in formato GG/MM/AAAA co scrito “Scadensa:”

A favore: 7 Contrari:1 Astegnui:1

El menbro Giacon rełasiona so ła procedura de prexentasion e difuxion de łe Carte de Identità e comunica ła piena operatività del proprio inpianto.

L’Asenblea ciapa ato e bate łe man.

La carta de identità par i minori de 14 ani ga da esare richiesta dal titolare de ła potestà genitoriałe, e pa i minori de 18 ani ga da esare certa ła so iscrision al’anagrafe .

A favore 9: Astenuti: 0 : contrari: 0

 

4- Produsion de informativa e richiesta de riconosimento de l’Asenblea a stati esteri proposta dal menbro Brotto.

El menbro Broto presenta ła so proposta e propone che l’Asenblea ghe richieda al Governo del Lonbardo-Veneto de reałixarla secondo oportunità połitica.

L’Asenblea vota par l’aprovasion: A favore: 8 Contrari: 0 Astenuti: 1:

 

5- Prexentasion del ricorso standard da prexentarghe a łe autorità italiane da parte del Governo.

El menbro Palmerini propone el rinvio.

L’Asenblea vota par l’aprovasion: A favore: 9 Contrari: 0 Astenuti: 0

Rinvià.

 

6- Notisie so le dimision del presidente del Tribunal e asion da intraprendere.

El menbro Lera propone el rinvio.

L’Asenblea vota par l’aprovasion: A favore: 9 Contrari: 0 Astenuti: 0

Rinvià.

 

7- Riconosimento grupo politico “Veneto Stato” proposto dal menbro Giacon.

El menbro Garbin propone el rinvio.

L’Asenblea vota par l’aprovasion: A favore: 9 Contrari: 0 Astenuti: 0

Rinvià.

 

8-Varie e eventuałi

El menbro Palmerini propone che so’l sito vegna publicà solo che łe Lexi e no i Verbali, e che łe Convocasion vegna cancełàe dopo ła riunion.

L’Asenblea vota par l’aprovasion: A favore: 9 Contrari: 0 Astenuti: 0

I menbri Lera e Palmerini propone che łe Lexi vegna numeràe.

L’Asenblea vota par l’aprovasion: A favore: 9 Contrari: 0 Astenuti: 0

El menbro Palmerini propone che i siti vegna riunìi in uno unico trane cueło del Tribunałe.

L’Asenblea vota par l’aprovasion: A favore: 9 Contrari: 0 Astenuti: 0

El menbro Brotto propone che vegna creà na area riservà rento el sito par łe discusion dei menbri de łe istitusion.

L’Asenblea vota par l’aprovasion: A favore: 9 Contrari: 0 Astenuti: 0

El menbro Palmerini propone che vegna riaplicà l’obligo de doparare łe mail istitusionałi (@statoveneto.net) par łe comunicasion istitusionali.

L’Asenblea vota par l’aprovasion: A favore: 9 Contrari: 0 Astenuti: 0

L’Asenblea vota par continuare la riunion altri 15 minuti oltre łe 23.30.

L’Asenblea vota par l’aprovasion: A favore: 9 Contrari: 0 Astenuti: 0

El menbro Giacon propone che durante łe riunion de l’Asenblea sie senpre prexente ła bandiera co el leon in moeca. La responsabilità xe del presidente de l’Asenblea o un so dełegà.

L’Asenblea vota par l’aprovasion: A favore: 7 Contrari: 0 Astenuti: 2

El menbro Palmerini propone che in alternativa de emerjensa a ła bandiera co el leon in moeca vegna doparà el gonfałon (leon andante co libro verto).

L’Asenblea vota par l’aprovasion: A favore: 7 Contrari: 0 Astenuti: 2

El menbro Lunardon propone che un menbro posa propore el rinvio de un ponto de l’o.d.g. e che el rinvio sie vałido co’l voto favorevole de ła majoransa dei prexenti.

L’Asenblea vota par l’aprovasion: A favore: 9 Contrari: 0 Astenuti: 0

 

El Presidente sara l’Asenblea ale ore: 23:45.

 

El verbałe sarà disponibiłe par ła votasion da parte dei menbri asenti justificài fin a łe ore 23.45 del 11 otobre.

 

El Presidente

Andrea Lunardon

cao.asenblea@statoveneto.net

 

convert this post to pdf.
Commenti disabilitati su Verbałe 8 otobre 2013

Verbale 19 setenbre 2013

Verbałe / Report

 Asenblea del Popoło Veneto – Stato de łe Venesie

Verbałe Asenblea del 19 setenbre 2013

El Presidente verxe l’Asenblea a łe ore 21.30.

 Ordine del Jorno

 1-Apeło e verifega dei prexenti, amision novi membri, decadensa asenteisti secondo lexe

 Prexenti: Brotto, Busato, Giacon, Lera, Lunardon, Palmerini.

 Asenti justificài: Lando, Rebellato, Tasinato, Tosato

 Asenti injustificài: Garbin

 Menbri decadùi: Marchioro

2 -Discusion de ła lexe “Stipendi, asense e sospension dei menbri de l’Asemblea e mucio de stipendi publici.” proposta dal menbro Palmerini.

  El menbro Palmerini propone che un menbro che se autosospende dal ruoło par seri motivi personałi no decada dal ruolo ma no recepisa el stipendio.

 L’Asenblea vota: Votanti: 6 A favore: 6 Contrari: 0 Non sinceri: 0

 

 El menbro Palmerini propone che el Presidente de l’Asenblea posa sospendare un menbro da l’incarico ed eventualmente el so stipendio co l’aprovasion de l’Asenblea.

 L’Asenblea vota: Votanti: 6 A favore: 6 Contrari: 0 Non sinceri: 0

El menbro Lera propone che par ogni asensa injustificà el stipendio del menbro asente vegna scursà del vałore de € 1000.

 L’Asenblea vota: Votanti: 6 A favore: 6 Contrari: 0 Non sinceri: 0

 

 El menbro Palmerini propone che i menbri justificài posa votare i ponti de l’ordine del giorno par via tełematica entro 72 ore da ła chiuxura de l’Asenblea.

  L’Asenblea vota: Votanti: 6 A favore: 6 Contrari: 0 Non sinceri: 0

El menbro Palmerini propone che l’Asenblea, par motivi de grave emerjensa, posa dichiarare na lexe imediatamente executiva co publicasion imediata sensa posibiłità de revixion da parte dei menbri asenti justificài.

  L’Asenblea vota: Votanti: 6 A favore: 6 Contrari: 0 Non sinceri: 0

El menbro Lunardon propone che dopo tre asense justificàe consecutive e par el periodo de łe seguenti asense justificàe el stipendio del menbro asente vegna scursà al valore de € 3000.

  L’Asenblea vota: Votanti: 6 A favore: 6 Contrari: 0 Non sinceri: 0

 

3 -Aprovasion carta d’identità

 El menbro Lera propone che so’l retro de la carta d’identità la voxe “Emergensa” e i spasi predisposti pa’l numaro vegna sostituìi da ła voxe: “Emergency:”

 L’Asenblea vota: Votanti: 6 A favore: 6 Contrari: 0 Non sinceri: 0

El menbro Lera propone che so’l fronte ła voxe “Prescrision” vien sostituìa da “Limitasion:”.

 L’Asenblea vota: Votanti: 6 A favore: 6 Contrari: 0 Non sinceri: 0

 

 El menbro Lera propone che so’l fronte i dati relativi al luogo de nasita vegna inserìo come segue: “comun + provincia o rejon o stato interno + stato internasionae”. In caxo de mancansa de spasio i elementi vien ridoti a partire da destra verso sinistra doparando łe sigle internasionałi riconosùe.

 L’Asenblea vota: Votanti: 6 A favore: 6 Contrari: 0 Non sinceri: 0

El menbro Lunardon propone che so’l fronte i dati relativi al indiriso de rexidensa vegna inserìo come segue: “via/contrà/piasa/ecc. + civico” a capo “comun + provincia o rejon”, se rexidente a l’estero anca “stato interno + stato internasionae”. In caxo de mancansa de spasio i elementi vien ridoti a partire da destra verso sinistra doparando łe sigle internasionałi riconosùe.

 L’Asenblea vota: Votanti: 6 A favore: 6 Contrari: 0 Non sinceri: 0

L’Asenblea ghe dispone al Tribunał ła modifica del moduło de iscrision a l’anagrafe in baxe ai novi elementi diti.

 L’Asenblea vota: Votanti: 6 A favore: 6 Contrari: 0 Non sinceri: 0

So ła carta de identità, el QR code verxe automaticamente l’indiriso internet conposto da http://www.statoveneto.net/CODEXE_FISCAŁ ndove CODEXE_FISCAŁ ga da esare cueło scrito in ciaro so ła stesa carta. Łe pajine http://www.statoveneto.net/CODEXE_FISCAŁ no ga da esare verte al publico, ma ga da esare acesibiłi co na password che conose el titołare de ła carta .

 L’Asenblea vota: Votanti: 6 A favore: 6 Contrari: 0 Non sinceri: 0

La banda magnetica vien programà el più posibiłe conpatibiłe co cuełe in circołasion internasionalmente, ma co specificà STATO DE LE VENETIE come ente de emision se aplicabiłe. In caso de necesità el Governo pol far detajo de łe specifiche tecniche.

 L’Asenblea vota: Votanti: 6 A favore: 6 Contrari: 0 Non sinceri: 0

 

L’Asenblea stabiłise che ogni axienda rejistrà al Tribunałe che vołe cargarse del servisio de emision de Carte de Identità, ga da dimandarghe l’autorixasion al Tribunałe. Le axiende che emete carte ga da corispondarghe ał Tribunałe el vałore de 5 euro pa ogni carta emesa, comunicandoghe entro 24 ore i dati anagrafici racolti e stanpai, e trasmetendo i modułi cartacei originałi entro 15 giorni. L’atività de emision svolta da łe axiende no comporta spexe pa łe istitusion o rixarcimenti pa łe axiende. Połe emetare carte de identità anca łe asociasion, i partiti, i comitati e łe singołe persone senpre che i se gabìa rejistrà al Tribunałe co łe stese modałità.

 L’Asenblea vota: Votanti: 6 A favore: 6 Contrari: 0 Non sinceri: 0

4- Aprovasion definitiva de el buono “futura ridusion de tase” e conversion in buono de scanbio

 Rinvià.

  5- Prexentasion del ricorso standard da prexentarghe a łe autorità italiane da parte del Governo.

 Rinvià.

 6- Notisie so le dimision del presidente del Tribunal e asion da intraprendere

 Rinvià.

 7- Riconosimento grupo politico “Veneto Stato” proposto dal menbro giacon

 Rinvià.

  8- Adozione medaglie istituzionali

 Rinvià.

10- Apertura conto corente

 El menbro Giacon richiede l’apertura de un conto corente par versare i introiti da ła vendita de carte che fasa capo a l’Asenblea. El menbro Palmerini se opone richiedendo che i fondi vegna controłài dal Governo (Ministro de le Finanse) par motivi de funsionałità istitusionałe.

 L’Asenblea vota ła richiesta del menbro Giacon: Votanti: 6 A favore: 1 Contrari: 5 Non sinceri: 0

 

 El menbro Palmerini propone ła creasion de un conto corente par versare i introiti da ła vendita de carte che fasa capo al Cao del Governo o, su dełega, al Ministro de łe Finanse e che ogni versamento ghe vegna notificà ał Tribunałe da l’emitente de ła carta.

 L’Asenblea vota: Votanti: 6 A favore: 6 Contrari: 0 Non sinceri: 0

11- Rełasion so la Cauxa Internasionałe

  El Cao del Governo rełasiona riguardo inportanti novità rełative a ła Cauxa Internasionałe.

 Sentìe łe notisie l’Asenblea ritien de aprofondire altre posibiłità.

12-Rełasion del Cao del Governo so’l procedimento de interpeło

 El Cao del Governo rełasiona riguardo łe oportunità de aplicasion de l’interpeło da parte dei citadini.

13-Varie e eventuałi

 El Cao del Governo rełasiona riguardo ła posibiłità de prexentare richiesta de disconosimento del giuramento al stato italian da parte dei citadini del Lonbardo-Veneto che ło ga fato in pasà.

El Presidente sara l’Asenblea a łe ore: 02:30 del giorno 20 setenbre.

 El Presidente

 Andrea Lunardon

 cao.asenblea@statoveneto.net

 

convert this post to pdf.
Commenti disabilitati su Verbale 19 setenbre 2013

Verbale 2 setenbre 2013

Verbałe / Report

Asenblea del Popoło Veneto – Stato dełe Venesie

Verbale Asenblea del 2 setenbre 2013

El Presidente verxe l’Asenblea ale ore 22.10.

Ordine del Jorno

1-Apeło e verifega dei prexenti, amision novi membri, decadensa asenteisti secondo lexe
Prexenti: Brotto, Busato, Garbin, Giacon , Lera, Lunardon, Palmerini, Tasinato.
Asenti justificài: Lando, Rebellato
Asenti injustificài: Tosato, Marchioro
2 -Rełasion de ła Comision pa’l Finansiamento de ła Causa Internasionałe
No ghe xe novità. El buono de futura ridusion xe de varie e eventuali.
3 -Rełasion de ła Comision par ła cauxa internasionale
-resoconto de spedision de la letara ai avocati: la letara xe sta spedìa a quasi tuti i indirisi da 48
ore c.a., ma ancora no ghe xe novità. L’Asemblea invita i citadini a cercare un avocato internasionalista
e estero interesà a farse carico de ła causa.
4- Aprovasion definitiva de el buono “futura ridusion de tase” e conversion in buono de scanbio)
No ghe xe notisie so l’emision de buoni de scambio a Salsomaggiore.
El Cao del Governo prexenta na version del buono par la futura ridusion de tase che vien meso ai ati.
Vien mese ai voti le seguenti modifiche:
Modifica della dicitura “stato veneto” in “Stato delle Venetie”.
Votanti: 8 A favore: 8
Modifica de la dicitura “vedi come sul retro” in “Vedi come sul sito www.statoveneto.net”
Votanti: 8 A favore: 8
L’Asenblea stabilise che al momento de l’iscrsion a l’anagrafe el dimandante posa segnalar el nome de
chi lo ga motivà a l’iscrision. La segnalasion xe conposta de Nome, Cognome e, se necesario, data o
logo de nasita . L’asenblea inpegna le Istitusion a corispondarghe un credito d’inposta de l’ecuivalente
de 100 euro a ogni çitadin segnalà come motivatore de na iscrision. El credito sarà operativo al pien
ragiungimento de ła sovranità.Vien disposto al Governo ła modifica del moduło de iscrision del Stato
dełe Venetie.
Votanti: 8 A favore: 7 Astenuti: 1
5- Aprovasion definitiva de la nova carta de identità
El menbro Garbin propone la eliminasion del spasio pal numero de emergensa facoltativo che sta sol
retro.
Votanti: 8 A favore: 2 Contrari: 6
Vien eliminà la moeca sol retro , e vien meso al masimo de spasio el teritorio Lonbardo-Veneto co łe
Venetie evidensiae in celeste.
Sol fronte : moeca in alto a sinistra, QR code in alto a destra. Soto “Stato de łe Venetie” la scrita
“Federasion del Lonbardo-veneto”.
1 riga col nome , 1 col cognome , 1 col menda o soranome, se çerca de metare so na stesa riga i
elementi
Pal codice de carta vien doparà el codice fiscale xa in poseso del çitadin.
Vien indicà łe categorie de patenti disponibili co eventuale inpoxision de limiti de ociai.
Colore de fondo de ła carta vien conservà el bianco.
Votanti: 8 A favore: 8
6- Incarico dei vicepresidenti .
El presidente de l’Asenblea rinova ła proposta de incarico a Busato e Giacon, i stesi aceta.
L’asenblea appluade
7- Prexentasion del ricorso standard da prexentarghe a łe autorità italiane da parte del Governo.
Rinviato
8- Discusion de de ła lexe “Stipendi e asense dei menbri de l’Asemblea e mucio de stipendi publici.”
proposta dal menbro Palmerini.
Rinviato
8- Notisie so le dimision del presidente del Tribunal e asion da intraprendere
L’Asenblea prende ato de le iminenti dimision de Lera dała carga, L’Asenblea se propone de nominar
un presidente tenporaneo a norma de statuto.
9-Varie e eventuałi
nesuna

El Presidente sara l’Asenblea ale ore: 00:08

El Presidente
Andrea Lunardon
cao.asenblea@statoveneto.net

convert this post to pdf.
1 Comment

Verbale 29 agosto 2013

Verbałe / Report

Asenblea del Popoło Veneto – Stato dełe Venesie

Verbale Asenblea del 29 agosto 2013

 

El Presidente de l’Asenblea verxe l’aseblea ale ore 21.15.

 

Ordine del Jorno

-Apeło e verifega dei prexenti, amision novi membri, decadensa asenteisti secondo lexe.

Prexenti: Busato, Lera, Lunardon, Palmerini, Giacon, (Novi: Brotto, Tasinato, Rebellato)

Asenti justificài: Garbin, Lando,

Asenti injustificài: Callegari, Marchioro, Tosato

El menbro Callegari Mirko decade dal ruolo par asenteixmo secondo la l.23/12/10a.2.

La so’ carica xe durà dal 29/08/2009 al 29/08/2013, e el ga partisipà a 3 Asenblee so 14.

 

-Rełasion de ła Comision par ła cauxa internasionale

La commision prexenta el testo in italian de richiesta de incarico par i studi legali internasionali e ghe ne da letura.

L’Asenblea vota par l’aprovasion e ghe dà mandato al Governo par la spedision:

Votanti: 5 A favore: 5 L’Asenblea aprova

-Rełasion de ła Comision pa’l Finansiamento de ła Causa Internasionałe

La Comision relasiona so’ le posibilità de emision de buoni prexentando el exenpio del comun de Salsomaggiore. L’Asemblea domanda aprofondimenti a ła prosima riunion.

La Comision prexenta un prototipo de buono che permete la futura ridusion de tase par i çitadini che fa iscrivare a l’Anagrafe altri çitadini.. L’Asenblea aprova la creasion de un buono ma aprovarà la forma definitiva a la prosima riunion.

Votanti: 5 A favore: 5 L’Asenblea aprova

-Prexentasion del ricorso standard da prexentarghe a łe autorità italiane da parte del Governo.

El ponto xe rinvià a la prosima Asenblea.

-Prexentasion del documento de identità

Giacon della Comision prexenta na bosa de tesera so suporto “card”, descrive le problematiche e mete ai ati. Propone de xontar la voce alergie.

Votanti: 5 A favore: 4 . Astenuto 1 L’Asenblea aprova

Palmerini obieta la veste grafica masa distante da l’originale . El citadin Ioverno objeta l’uso de simboli del Lombardo-Veneto pa la tesara de Stato dele Venetie e richiede na revision.

Votanti: 5 A favore: 4 . Astenuto 1 L’Asenblea aprova

L’Asenblea dimanda la scacelasion dei sinboli xontài, l’uso esclusivo de la lengua veneta, el rispeto dei elementi stabilii da la lexe.precedente.

Votanti: 5 A favore: 4 . Astenuto 1 L’Asenblea aprova

Giacon presenta anca un preventivo de costi de machinari, software e de tesere e mete ai ati.

L’Assemblea rinvia a la prosima riunion la nova version de carta e se riserva de aprovare via email la atuale version in caso de urgensa.

Votanti: 5 A favore: 4 . Contraio: 1 L’Asenblea aprova

L’Asenblea indica scheda sensa microchip, co banda magnetica, QR-code sol fronte. Sol retro spasio per firma del citadin , data emision documento, Leon in Moeca, e disegno del teritorio veneto nel Lombardo-Veneto .

Votanti: 5 A favore: 4 . Astenuto: 1 L’Assemblea approva

Se propone de metare Fedarasion del Lombardo-Veneto soto Stato de łe Venetie

Votanti: 5 A favore: 5. L’Asenblea aprova

Se propone de predispore sol retro un spasio pa un numero de persona de fiducia da ciamare pa le emergense de 14 cifre

Votanti: 5 A favore: 5. L’Asenblea aprova

 

– Discusion de de ła lexe “Stipendi e asense dei menbri de l’Asemblea e mucio de stipendi publici.” proposta dal menbro Palmerini.

El ponto xe rinvià a la prosima Asenblea.

-Regolamento interno de l’Asenblea e strutura interna.

L’Asenblea vieta durante le riunion l’uso de super acolici, droghe sintetiche e naturali, e stabilise el limite de alcol a 0,5 gr/Kg. L’Asenblea vieta i cibi se no autorixà dal presidente, che ga anca el potere de limitar el fumo a seconda dei contesti. So richiesta i menbri pol chiedere sospension de 5 minuti.

Votanti: 5 A favore: 3. Contrari 2 L’Asenblea aprova

Tasinato propone che el presidente se fasa cura che el decoro de l’Asenblea sia confacente al ruolo.

Votanti: 5 A favore: 3. Astenuti 2 L’Asenblea aprova

Il presidente comunica l’intension de nominar 2 vicepresidenti e se riserva de dialogare co i interesài.

 

– Rełasion del Cao del Governo so’ ła situasion de avansamento de łe procedure de interpeło fiscałe, vałutasion dele asion intraprexe e da intraprendare.

No ghe xe novitàe de rilievo.

-Conferimento de funsion de comunicasion publica a persone interesàe riguardo l’informasion rełativa a l’Autogoverno e gestion de strumenti informatici divulgativi al fine de favorire ła parteçipasion dei çitadini a łe Istitusion e che ajisa da cołetore de nominativi de persone interesàe.

I membri e i çitadini se inpegna a ativarse e discute de varie posibilità.

-Varie e eventuali

El Cao del Governo comunica la creasion de conio celebrativo da parte de un finansiatore.

El Presidente sara l’Asenblea ale ore: 00:30,

 

El Presidente

Andrea Lunardon

cao.asenblea@statoveneto.net

 

convert this post to pdf.
Commenti disabilitati su Verbale 29 agosto 2013

Verbałe 5 agosto 2013

Verbałe / Report

Asenblea del Popoło Veneto – Stato dełe Venetie

Verbałe Asenblea del 5 agosto 2013

———————————————————————————————————–

El Presidente verxe l’Asenblea a łe ore 22:00.

 

Ordine del Jorno

 

-Apeło e verifega dei prexenti, amision novi menbri, decadensa asenteisti secondo łexe

Prexenti:Busato, Garbin, Lera, Lunardon, Palmerini, Giacon, Tasinato, Brotto, Rebellato

Asenti justificài: Tosato, Lando

Asenti injustificài:Callegari, Marchioro,

 

-Rełasion de ła Comision par ła cauxa internasionale.

I menbri de a Comision rełasiona a l’Asenblea so’ l’avansamento dei lavori. El menbro Tasinato ghe ga presentà al presidente de l’Asenblea na lista de contati posibiłi, el presidente ghe ła inviarà ai menbri. I łavori no xe concluxi: ła Comision continua łavorare e ła rełasionarà a ła prosima Asenblea. El menbro Rebellato se sospende da l’incarico par motivi personałi.

Votanti: 6 A favore: 6

 

-Discusion de ła lexe so’ i buoni del texoro proposta dal menbro Giacon.

El menbro Palmerini mete ai ati na version de buono del tesoro:

L’Asenblea istituise na Comision pa’l Finansiamento de ła Causa Internasionałe che gavarà da definire modałità e termini par ła racolta fondi.

Votanti: 6 A favore: 6

El membro Giacon propone el obligo de rełasion de ła dita Comision a ła prosima Asenblea.

Votanti: 6 A favore: 6

Se propone i membri: Palmerini, Lera.

Votanti: 6 A favore: 6

 

-Produsion de un documento uficiałe da prexentarghe a łe autorità italiane in caxo de controło proposta dal menbro Busato.

L’Asenblea ritien necesaria ła produsion de un ricorso standard da presentarghe a łe autorità ocupanti e rinvia al Governo ła produsion del documento, che vegnarà vajà dal Presidente del Tribunałe e publicà.

Votanti: 6 A favore: 6

 

-Revixion de ła lexe so’l documento de identità proposta dal menbro Busato.

L’Asenblea istituise na Comision pa’l Documento de Identità so suporto magnetico co’l conpito de adatare el documento predisposto da ła Lexe 30 marso 2011 e proporgheło ai menbri par l’aprovasion estetica definitiva.

Votanti: 6 A favore: 6

Se propone i membri: Giacon, Busato.

Votanti: 6 A favore: 5 Astenuti: 1

 

-Discusion de de ła lexe “Stipendi e asense dei menbri de l’Asemblea e mucio de stipendi publici.” proposta dal menbro Palmerini.

El punto xe rinvià a la prosima Asenblea.

Votanti: 6 A favore: 6

-Rełasion del Cao del Governo so’ ła situasion de avansamento de łe procedure de interpeło fiscałe, vałutasion dele asion intraprexe e da intraprendare.

El punto xe rinvià a la prosima Asenblea.

Votanti: 6 A favore: 6

 

-Varie e eventuałi.

El menbro Palmerini ghe propone a l’Asenblea el conferimento de funsion de comunicasion publica a persone interesàe riguardo l’informasion rełativa a l’Autogoverno e ła gestion de alcuni strumenti informatici divulgativi al fine de favorire ła parteçipasion dei çitadini a łe Istitusion e che ajisa da cołetore de nominativi de persone interesàe.

A question xe rinvià a ła prosima Asenblea.

Votanti: 6 A favore: 6

El Presidente sara l’Asenblea a łe ore: 00:30.

 

El Presidente                                                                                                                       Firme dei Menbri

Andrea Lunardon

cao.asenblea@statoveneto.net

convert this post to pdf.
Commenti disabilitati su Verbałe 5 agosto 2013
  - - -   Search Engine Submission - AddMe

Bad Behavior has blocked 5 access attempts in the last 7 days.

Translate »