RACOLTA DE COMUNICASSION OFISIALI (racolta no esaustiva)

 lexe 1  otobre 2013 (Asemblea)

Vien istituìa ła carica de Delegato par łe Rełasion coi Citadini (D.R.C.), responsabiłe de mantegnere i contati de le Istitusion co i citadini e de invitare i citadini interesài a łe sedute aperte de l’Asenblea e del Governo.

L’Asenblea nomina el menbro Tasinato Andrea.

lexe 8 otobre 2013 (Asemblea)

-Sol sito vien publicà solo che łe Lexi e no i Verbali, e łe Convocasion vien cancełàe dopo ła riunion.
-Le Lexi vien numeràe.
-I siti vien riunìi in uno unico trane cueło del Tribunałe.
-Vien creà na area riservà rento el sito par łe discusion dei menbri de łe istitusion.
-Vien riaplicà l’obligo de doparare łe mail istitusionałi (@statoveneto.net) par łe comunicasion istitusionali.

lexe 21 novembre 2013 (Asemblea)

art. 1 – l’Asenblea stabilise che xe obligatoria la publicasion dei comunicati uficiali dełe Istitusion venete (Governo, Asenblea e Tribunal) da parte deła stampa e dei media anche radio e tv che publica o trasmete sol teritorio dele Venetie. La publicasion xe ritegnua non efetuà se vien mistificà o stravolto el contenuto e la forma dei comunicati.

art. 2 – la violasion del art.1001 prevede na amenda de 10.000 euro pa la prima infrasion, e un radopio de la amenda precedente a ogni infrasion sucesiva. Quando el cumulo dełe amende supera el valor economico de l’impresa, el diretore responsabile vien condanà a 1 ano de carcere pa ogni comunicato censurà. Dała centesima violasion xe disposta la chiusura de l’atività. La multa xe automaticamente cominà, fata salva la dimostrasion sensa prescrision de inocensa.

art. 3 – contro le sansion de l’art.1002 xe sempre posibile presentar ricorso pa acertar l’infondatesa de la pena. El proceso penałe segue łe norme previste.

lexe 10 lujo 2014 (Asemblea)

I menbri Salice e Tasinato xe dełegài a łe rełasion co i çitadini.
I interesài ga da dimandare eventuałi chiarimenti al Tribunałe del Popoło Veneto.